(политическая шутка получилась)
для тех кто талерантен и немного понимает по белорусски:

Уладзімір Корбан

Малпін жарт

Пасля начной адказнае работы
Трызор і Мурза спалі каля плоту.
Тым часам Малпа не драмала,
Убачыўшы сабак, цішком
Падкралася да іх і матузком
Хвасты звязала.
Сама ж схавалася за вугал і глядзіць,
Каменьчыкамі кідзь ды кідзь, —
Стараецца іх пабудзіць.
Што тут было, калі прачнуліся абое!
Трызора Мурза рве, а Мурзу рве Трызор!
Умомант гырканне ўзнялі такое, —
Ажно гудзе ўвесь двор.
А Малпа ледзьве не кладзецца —
І скача, і крыўляецца, й смяецца,
Так па душы прыйшоўся ёй
Сабачы бой.
А з тых ляціць шматкамі поўсць.
_______
І між людзьмі такія ёсць:
Звядуць дваіх, наладзяць склоку,
А потым збоку
На цяганіну пазіраюць
І рукі паціраюць.